Seleziona una pagina

Passione (Ribera)

Lu Vennirì matinu a ghiornu chiaru                                                                                                 Il Venerdì mattino quando è giorno chiaro,

la Bedda Matri si misi in caminu;                                                                                                     la Madonna si mise in cammino,

‘ncuntrau a San Giuvanni pi la via,                                                                                             incontrò San Giovanni per la via

ci dissi: «Unni stati jennu o Matri mia?»                                                                                    che Le disse: “Dove andate o Madre mia”

«Vaiu circannu lu me caru Figliu                                                                                                    “Vado a cercare il mio caro Figlio

ca lu pirdivu e nun lu pozzu asciari».                                                                                    perchè l’ho perso e non lo posso trovare”

«Iti ‘nta ssà casuzza di Pilatu,                                                                                            “Andate nella casa di Pilato,

lu iti asciari ‘nchiusu e ‘ncatinatu».                                                                                                lo troverete rinchiuso e incatenato”

Tuppi tuppi: «Cu è ddocu darreri?»                                                                                                 Toc toc “Chi è lì dietro?”

«Sugnu la tò matruzza Addulurata».                                                                                   “Sono la tua mamma Addolorata”

Oh cara Matri mia un vi pozzu apriri                                                                                           “O cara mamma mia non vi posso aprire

ca li Judei mi stannu ‘ncatinannu.                                                                                         perché i Giudei mi tengono incatenato.

Jti ddocu darreri c’è l’arginterì,                                                                                              Andate lì dietro c’è il mastro argentiere,

facitici l’aneddu a lu Signuri».                                                                                                    fate l’anello al Signore”

L’aneddu a lu Signuri nun ci stavi,                                                                                                 L’anello al Signore non si trova

ci stannu tri chiuvidda ‘e pedi ‘a cruci.                                                                                          ci sono tre chiodini ai piedi della croce.

«Oh caru mastru chi facitì a st’ura?»                                                                                          Oh caro mastro che fate a quest’ora?”

«Fazzu tri chiova apposta pi lu Signuri».                                                                             “Faccio tre chiodi apposta per il Signore”

«Oh caru mastru un li faciti a st’ura                                                                                                “Oh caro mastro non li fate a quest’ora

vi pagu la jurnata e la mastrìa».                                                                                                    vi pago la giornata e la bravura di mastro”

«Oh cara Matri nun lu pozzu fari,                                                                                                  “Oh cara Madre non lo posso fare,

unni c’è Gesù ci mettinu a mia».                                                                                                    a posto di Gesù (in croce) mettono a me.

La Bedda Matri ‘ntisi stu parlari,                                                                                         Appena la Madonna sentì questo parlare,

fici vutarì: munnu, terra e mari!                                                                                                  fece girare mondo, terra e mare.

Pin It on Pinterest

Share This